Operacionet e “SKY” dhe “Encro Chat” kanë nxjerrë në skenë disa nga figurat e njohura të botës së televizionit dhe gjithashtu emra të njohur të botës kriminale.
Në kuadër të këtyre operacioneve kanë rëndë në pranga persona të njohur të botës së krimit por edhe të policisë, gjithashtu janë përfshirë edhe emra si ai i Elvana Gjatës.
Kujtojmë se SPAK ka dhënë urdhër-arrest për Ervin Matën, ish partnerin e Elvana Gjatës, madje ka kërkuar edhe paraqitjen e saj në SPAK për të dëshmuar lidhur me përgjimet e bëra, ku përmendet ajo dhe llogaria e saj bankare.
CNA raporton se përveç Elvana Gjatës, e cila është përfolur në bisedat e Ervin Matës ka dhe personazhe të tjera nga bota e “showbizz”-it, si ish-mise, që përfliten se kanë pasur lidhje me Matën apo dhe me persona të tjerë të botës së krimit.
“Drejtuese emisionesh televizive, kryesisht të botës së “showbizz”-it dhe shumë personazhe të tjera që duken se janë pjesë e ambientit të individëve të botës së krimit, jo thjesht dhe vetëm nën shoqërimin e tyre, por dhe kalimin e kohës me ta”, shkruan CNA.
Raportohet se SPAK po heton përfshirjen dhe rolin e tyre në këtë ngjarje.
