Janë zbardhur përfundimishtndryshimet në Kodin Zgjedhor të arritura nga palët në Këshillin Politik.
Në këtë draft thuhet se KQZ refuzon listat e partive nëse nuk kanë në përbërje 30 përqind femra.
Po ashtu në të citohet se qeveria 4 muaj para zgjedhjeve, nuk merr dot vendime.
“Nuk mund të ulen taksat 4 muaj para zgjedhjeve. Nuk mund të rriten pensionet 4 muaj para zgjedhjeve”, thuhet mes të tjerash në draft.
KQZ aktuale do të shkrihet ditën që Kodi i ri Zgjedhor hyn në fuqi.
Në Kodin e ri Zgjedhor parashikohet që zgjedhjet të zhvillohen në të gjithë vendin në periudhat 15 prill-15 maj ose 14 tetor-15 nëntor.
Nëse data caktohet mes periudhës 15 prill dhe 15 maj, qendrat e votimit do të hapen në orën 07:00 dhe do të mbyllen në orën 09:00. Kur zgjadhjet caktohen në periudhën 15 tetor-15 nëntor, qendrat e votimit do të hapen nga ora 07:00 deri në 18:00.
Komisioni Qendror i Zgjedhjeve është institucioni që ka përgjegjësinë për organizimin, administrimin e zgjedhjeve, i cili monitoron veprimtarinë e administratës zgjedhore, monitoron veprimtarinë e subjektve zgjedhore, organeve dhe institucioneve shtetërore, monitoron rolin e medias si dhe zgjidh ankesat apo kërkesat e lidhura me procesin zgjedhor.
