Cila nga divat botërore e çon skenën në këmbë dhe vazhdon të jetë po aq energjike sa ditën e parë? Padyshim Jennifer Lopez është një nga ikonat me muzikës botërore dhe këtë herë nuk kishte sesi t’I zhgënjejtë fansat e saj. Këngëtarja e përzgjedhur për të kënduar kolonën zanore të filmit “Second Act” me titull “Limitless”, ka bërë publik ditën e sotme këngën dhe videoklipin përkatës.
Mendoni se i keni parë të gjitha nga Jenny? Epo as nuk i jeni afruar, pasi ky vidoklip bëhet edhe më shumë interesant pasi JLo ka bërë pjesë edhe vajzën e saj 10- vjeçare Emma Maribel Muniz,me të cilën këndon e kërcen në një harmoni të jashtëzakonshme.
Mesa duket kjo i paska munguar këngëtares deri tani për të shkëqyer edhe më shumë në skenë. Emma është fryti I dashursë dhe martesës që këngëtarja ka pasur me artistin Marc Anthony, me të cilin ka disa vite që është divorcuar, por që mban kontakte të përhershme për hatër të fëmijëve.
‘Limitless’ flet për thyerjen e barrierave dhe këmbënguljen. Emme shihet në videoklip duke kënduar dhe kërcyer, dhe të gjitha lëvizjet janë në sinkron me nënën e saj JLo, duke plotësuar njëra-tjetrën.
