Ukraina ndodhet një situatë kritike, e gjendur përballë sulmeve të njëpasnjëshme të Rusisë, e cila tenton të marrë Kievin në kontroll.
Ndërkohë një ukrainese që jeton në Shqipëri shprehet për emisionin “Mirëmëngjes” në Euronews Albania se është e gatshmë të shkojë dhe të luftojë për vendin e saj.
Iryna Romanova, shtetase ukrainase që jeton në Tiranë thotë se fakti që ka një fëmijë të vogël paraqitet si pengesë që ajo të shkojë në Ukrainë, pavarësishtë dëshirës dhe vullnetit të saj.
“Unë jam vetë gati të shkoj andej dhe të shkoj vendim tim. Unë nuk po largohem se kam fëmijë dhe fëmija im është shqiptar tani dhe nuk mund të lë një fëmijë të vogël”, u shpreh ajo.
Ajo tha se situata në shtetin e saj është shumë keq dhe vijojnë bombardimet ruse.
“Nuk po dinë ku të strehohen ukrainasit. Jam në kontakt me prindërit e mi. Unë jam në një qytet që ndodhet në Perëndimin e Ukrainës. Trivne është sulmuar aeroporti sot në mëngjes. Është gjendje alarmante, njerëzit nuk po besojnë për ngjarjet që po ndodhin”, u shpreh ajo.
Znj. Romanova tregoi se prindërit e saj nuk pranojnë që të largohen nga Ukraina.
“Kam folur më prindërit vazhdimit, prindërit e mi janë shprehur të bindur që nuk do të largohen. Thonë nuk do lemë shtëpinë për një armik”, përfundoi ukrainsja.
