Rritja e çmimeve është nja nga temat më të ndjeshme kohët e fundit.
Vendi ynë po përballet më një situatë ku pagat nuk mund t’i përballojnë blerjen e produkteve me vlera të shtrenjta.
Ndërkohë kryeministri Edi Rama ka dalur sot në terren për të mbikëqyrur çmimet e produkteve ushqimore.
Ai ishte bashkë me ministren e Financave, Delina Ibrahimaj, ku inspektoi nga afër çmimet e një supermarketi në Tiranë. Ai tha se shteti nuk mund të ndërhyjë te çmimet, por duhet vendosur një kompromis nga ana e tregtarëve.
“Situata është e vështirë shumë. Duam që të ketë një lloj solidariteti dhe dakordësie nga ju. Vaji është një problem i madh… Ne nuk kemi kërkuar që të kërkojmë që të ketë çmime që të fillojë humbja e furnizuesve, pasi shkon në kolaps. Do të ishte jeta shumë e bukur nëse do të mundej që ekonominë ta lëviznin privatët dhe çmimet t’i vendoste shteti, pasi kjo nuk ekziston. Por kjo ulje është ajo që duam ne.”, tha Rama.
Theksojmë se rritja e çmimeve është justifikuar me pasojat e luftës Rusi-Ukrainë.Por duket se më shumë se lufta, është çështje abuzimi duke përfituar nga situata.
Ndërkohë qytetarët kanë reaguar duke dalur prej ditësh në protest para kryeministrisë për të kërkuar uljen e çmimeve të cilat po shkonin në “stratosferë”.
