Ditën e sotme deputetja e Partisë Demokratike Albana Vokshi është paraqitur pranë Gjykatës së Tiranës për të bërë një padi. Deputetja Vokshi në një komunikim për mediat tha se këtë të mërkurë ka marrë pjesë në seancën gjyqësore për një padi të bërë ndaj ministres së Arsimit Evis Kushi. Shkak mësohet të jenë tezat e provimit të maturantëve të cilat u dolën para provimeve.
“Sot isha në seancë gjyqësore për një padi të ministres Kushi, për denoncimin që kam bërë për nxjerrjen e tezave. ishte seanca e parë që quhet seanca pajtuese, por ministrja Kushi nuk ndodhej. E pata të pamundur për të paraqitur provat pasi ministrja Kushi nuk ishte. Ministrja sa kohë harxhon nëpër gjyqe duke bërë të pafajshmen do ishte mirë nëse i ka mbetur një fije morali të jepte dorëheqjen”, tha ajo.
Kujtojmë se këtë vit, si çdo vit tjetër tezat e provimeve të maturës u publikuan ende pa u bërë provimi nga maturantët. Ky skandal nuk u frenua dot as këtë vit , pasi nxënësit kanë arritur të fusin telefona në sallë dhe të bëjnë foto të provimit që më pas kanë qarkulluar në rrjet. Në lidhje me provimet e maturës u zhvillua edhe disa protesta nga maturantë të pakënaqur me tezat dhe me vonesat e notave.
