Tashmë ka shkuar në 409 numri total i të prekurve nga COVID-19 në vendin tonë, pasi gjatë 24 orëve të fundit janë shënuar vetëm 9 raste të reja pozitive, nga 234 testime të kryera.
Numri ka rënë sërish sepse dje u raportuan 17 raste të reja, teksa për të tretën ditë radhazi nuk është shënuar asnjë viktimë, duke e lënë në 22 numrin e të vdekurve.
Sipas Ministrisë së Shëndetësisë në spitalin Infektiv ndodhen 52 të shtruar, 5 prej të cilëve në terapi intensive, ndërsa tek “Shefqet Ndroqi” janë shtuar 6 pacientë të tjerë, 5 prej të cilëve në terapi intensive, ku 4 janë intubuar.
Nga ana tjetër numri i të shëruarve ka shkuar në 164.
Pak minuta më parë, kryeministri Edi Rama ka publikuar një grafik të progresionit të sëmundjes pas rastit të 20 të konfirmuar në vendin tonë.
Sipas kreur të qeverisë, sot nuk kemi shumë viktima si rezultat i mënyrës se si e kemi bërë luftën deri këtu, teksa bën thirrje për durim deri në fund, për të pasur një rezultat sa më të mirë për të gjithë.
Postimi i plotë:
Të gjitha kanë rëndësinë e tyre, po mbi të gjitha sot është mbrojtja e jetës së çdo shqiptari dhe ecja çdo ditë të bashkuar, popull dhe shtet, drejt fitores së kësaj lufte që nuk e zgjodhëm, por kemi detyrën ta fitojmë!
*Nëse sot jemi në këtë pikë, e jo mbi ndonjë mal me të vdekur, kjo është falë nesh e mënyrës se si e kemi bërë luftën deri këtu, shtet e popull bashkë si një trup i vetëm dhe vetëm prej nesh varet tanimë ta çojmë deri në fund kështu këtë luftë.
https://www.facebook.com/edirama.al/posts/10157623083736523
