Rusia dhe Ukraina janë në ditën e 25-të të luftës, ndërkohë që pozicioni i Kinës ka qenë shumë I komentuar dhe madje edhe I kritikuar nga perëndimi.
Ndërkohë ministri i Jashtëm i Kinës, Wang Yi deklaroi sot se koha do të provojë se pozicioni i tyre është në anën e duhur të historisë në lidhje me luftën në Ukrainë.
“Kina do të vazhdojë të bëjë gjykime të pavarura bazuar në meritat e çështjes dhe në një qëndrim objektiv sa i takon të drejtave. Ne kurrë nuk do të pranojmë asnjë shtrëngim dhe presion të jashtëm, dhe gjithashtu kundërshtojmë çdo akuzë dhe dyshim të pabazë kundër Kinës”, u tha Ëang Yi gazetarëve.
Ëang tha se “zgjidhja afatgjatë është të braktisësh mentalitetin e Luftës së Ftohtë, të përmbahet nga përfshirja në konfrontim grupor dhe të formohet një arkitekturë e sigurisë rajonale e balancuar, efektive dhe e qëndrueshme. Vetëm në këtë mënyrë mund të arrihet stabiliteti afatgjatë në kontinentin evropian”.
Theksojmë se deklaratat e tij vijnë pasi Presidenti i SHBA Joe Biden foli me presidentin kinez Xi Jinping të premten në një përpjekje për të bindur Kinën që të qëndrojë kundër Rusisë në luftën e saj kundër Ukrainës.
Shtëpia e Bardhë thotë se Presidenti Biden bëri një panoramë të unitetit të Perëndimit për sanksionet e ashpra të vendosura ndaj Presidentit rus Vladimir Putin dhe përshkroi pasojat me të cilat do të përballej Kina nëse mbështet bombardimin nga Rusia të qyteteve ukrainase.
