Pas sulmit të redaksisë në Paris nga eksponentë terroristë në janar të vitit 2015-të, ku mbetën të vrarë 12 gazetarë, e përjavshmja satirike franceze “Charlie Hebdo” ka provokuar sërish.
Revista “Charlie Hebdo” nuk e ka harruar ngjarjen horror të pesë viteve më parë, ku disa terroristë sulmuan redaksinë e të përjavshmes satirike, ku dhe vranë 12 punonjës të saj.
Sulmi u bë për shkak të publikimit të disa karikaturave të profetit Muhamed, profetit të myslimanëve. Ky publikim shkaktoi irritimin e radikalëve islamistë, të cilët edhe mësynë redaksinë franceze.
Gjatë ditës së sotme revista franceze ka ripublikuar karikaturat ofenduese ndaj profetit Muhamed. Sipas redaktorit dhe themeluesit të revistës satirike, Laurent Riss, kjo gjë bëhet për të treguar se ‘Charlie Hebdo’ nuk do të dorëzohet kurrë dhe se nuk do ta ulin kokën përballë ekstremistëve religjioz.
