Situata në të cilën ndodhet sot ish- opozita është thënë se është e vështrië, por kjo është mohuar nga ish- deputeti, njëkohëshit aleati i kreut të Partisë Demokratike, Dashamir Shehi.
Nga studio e emisionit “Të paekspozuarit”, Shehi ka thëën se protestat e opozitës nuk janë ftohur, por problemi qëndron tek mënyrat e shfaqjes, të cilat duhet të jenë të ndryshme.
Deri më tani sipas Zhejit opozita e ka arritur qëllimin dhe është duke lufuar që të arrijnë atë final, përmbysjen e lojës dhe skaletës politike që është përdorur deri më tani.
“Nuk është ftohur. Unë i kam sugjeruar zotit Basha që të bëhet dhe një skenar tjetër që të jetë më kreativ, këtë radhë ishin rinia, radhën tjetër mund të jenë gratë. Do e ushqeja këtë mënyrë. Javës tjetër do shikohet a ka rënie apo ngritje në krahasim me të parën. Unë u tremba tek e dyta, por njerëzit nuk janë lodhur. Kanë ardhur më datë 26 e do vijnë edhe më datë 13.
Kjo është një rrugë e gjatë. Nuk po them që qeveria do bjerë nesër pasnesër. Jo vetëm se rruga është e vështirë është malore por nëse ne kemi nevojë t’i realizojmë ato aspirata kemi nevojë për kohë”, tha Shehi.
Ndërkohë që sipas ish- deputetit nëse opozita do të hynte në edhe një herë në zgjedhjet lokale ashtu siç bëri në vitin 2017, do të thoshte për gjithë elektoratin që do të përsëritej historia e “çadrës” dhe tashmë qëllimi është më i qartë.
Sipas Shehit tashmë opozita do prishjen e skaletës politike dhe përmbysjen e saj.
Sipas tij nëse opozita do pranonte të hynte në zgjedhjet lokale do të ishte një lloj përsëritje e çadrës.
“Do ta përmbysim këtë lloj loje ndryshe ajo që ne dolëm nga parlamenti nuk do kishte asnjë lloj vlere.
Kur kemi gjykuar zgjedhjet e mëdha pse do shkonim tek zgjedhjet administrative.
Do ishte gjë tjetër sikur kjo të spostohej në vjeshtë bashkë me zgjedhjet e përgjithshme. Ne kemi vendosur t’i prishim këto lloj rregullash, ndryshe do ishte një lloj përsëritje e çadrës”, deklaroi Shehi.
