Rey Manaj bëri një ndeshje të jashtëzakonshme me Barcelonën që nisje të fazës parapërgatitore. Ai ishte protagonisti kryesor i fitores 4-0 ndaj Nastic në fushën “Johan Cruyff”, me një tri-golësh në pjesën e dytë. Edhe pse erdhi nga stoli, sulmuesi ia doli që të shënonte dy supergola, një prej të cilëve me gjoks e njëri me një goditje perfekte diagonal. Golin tjetër e shënoi me penallti.
Pas takimit Manaj u shpreh i lumtur dhe tha se Barça duhet të gjejë rtimin për fillimin e sezonit.
“Jam shumë i lumtur, në pjesën e dytë kemi filluar mirë dhe e gjeta golin. Ishte një lojë për të rigjetur besimin dhe ne duhet të gjejmë ritmin për fillimin e sezonit”, tha sulmuesi shqiptar , i cili mori topin e ndeshjes për tre golat e shënuar.
Ndërkohë, zërave që e shohin gjithnjë e më larg klubit Manaj iu përgjigj se mendon të vazhdojë në Barcelonë.
“Është një kujtim dhe unë do të kërkojë që ta firmosin të gjithë lojtarët. Unë mendoj të punoj këtu dhe do të shohim çfarë do të ndodhë”, tha Manaj.
“Unë jam i lumtur për sezonin e kaluar, kemi pasur një vit të mirë dhe kemi qenë të pafat në playoff .Duhet të vazhdojmë të punojmë. Këto ndeshje shërbejnë për të rritur ritmin. Do të jetë një vit shumë i gjatë”, përfundoi Rey Manaj.
