Teksa një dekaklratë e kreut të PD Sali Berisha disa ditë më parë në lidhje me mesazhe erotike të anëtarëve të mazhorancës shkaktoi debate të ashpra në Kuvend, ai ka deklaruar se nuk i publikon kurrë ato mesazhe.
“Zyrtare të administratës përdoren për të joshur ambasadorët dhe zyrtarë të huaj që vijnë në Shqipëri” ka qenë deklarata e Berishës.
Ndërkohë deputetë të mazhorancës si Taulant Balla dhe Berina Gjylahmeti i kërkuan Berishës t’i publikojë nëse i ka, ai përsëri refuzoi.
“Një tradhtar i SHBA, një armik i egër i opozitë. Unë kam censurë të plotë ndaj çdo mesazhi erotik të publikuar. Çfarë kujton ti. Nuk jam Edi Rama. Nuk jam unë ai që e dinë çfarë heqin ministrat në mbledhjen e qeverisë me fjalorin rrugaç që përdor. Unë nuk fyej publikisht. Përmenda emra unë aty. Asnjë emër, përse ju djeg ju kjo”, tha Berisha.
Ndërkohë edhe deputetë të tjerë të opozitës kanë dalë në krah të liderit historik të demokratëve.
Gjatë fjalës së tij, Oerd Bylykbashi tha se gratë deputetë të PS-së po përdoren si çetë për të vrarë kushtetutën. Ndërkohë, Nikolla i ndërpreu fjalën.
“Ju do të mbaheni men si drejtuesja e Kuvendit që ka shkelur në mënyrë më brutale rregullat. Që te ky grup parlamentar i PS është noter i kësaj qeverie që ka firmosur aktet korruptive, ajo që është për turp sot, është se gratë deputete të PS po përdoren si çetë për të vrarë të drejtën Kushtetuese këtu.”, tha ai.
Nikolla: Të të vijë rëndë për fjalën që përdore për gratë e nderuara të këtij Kuvendi. Nuk të lejoj më të flasësh. Ta heq të drejtën e fjalës.
