Një polic 58 vjeç në Itali, i cili ishte kundër vaksinimit, ka ndërruar jetë në spital pas infektimit me Covid-19.
Mediat italiane raportojnë se Candido Avezzù, vdiq më 29 gusht në spitalin Jesolo për shkak të komplikimeve që iu shfaqën pas infektimit me Covid-19. Ai rezultoi pozitiv me koronavirus më 28 korrik dhe gjendja e tij u përkeqësua më 10 gusht, ku u transferua në terapi intensive.
Në mediat sociale Avezzù tregoi atë që po ndodhte me të. Më 28 korrik, duke u vendosur në spitalin Jesolo, ai shkroi në Facebook: “Nuk është një vend për të kaluar pushimet, shpresoj të shkoj në shtëpi këtë mëngjes”.
Një postim tjetër dhe përfundimtar u shfaq më 10 gusht. “Po hyj në terapi intensive”.
Në një intervistë për “Corriere della Sera”, bashkëshortja e policit shpjegoi idetë e burrit të saj mbi Covid dhe vaksinën. “Ai ishte i bindur për të mos u vaksinuar, tha gruaja, më tha se ishte më i fortë se virusi”.
E ndërkohë kujtojmë se nuk janë të paktat rastet kur shumë persona nuk kanë besuar mbi vaksinimin dhe efektet që ajo mund të japë dhe gjithmonë mbanin një qëndrim kundër kësaj teorie. E në fakt shumica prej tyre janë infektuar virusin e rrezikshem, nuk kanë mundur të përballojën simptomat e tij dhe për pasojë kanë ndërruar jetë.
