Jack Dorsey, shefi i rrjetit social “Twitter”, kompani të cilën e ka themeluar që ne vitin 2006, ka njoftuar se do të japë dorëheqjen nga posti që mban.
Në vazhdim kompaninë “Twitter” do ta drejtojë një zyrtar në këtë kompani, Parag Agraëal.
Dorsey, 45-vjeçar, u shpreh se ka vendosur të largohet për shkak të fuqisë që ka Agrawal në drejtim të rrjetit social, i cili përdoret nga rreth 200 milionë persona në ditë
“Jam shumë i mërzitur, por edhe i lumtur”, ka thënë ai në një letër drejtuar punëtorëve.
“Nuk ka shumë kompani që kanë arritur në këtë nivel”, ka thënë ai, duke shtuar se vendimi për t’u larguar është marrë nga vetë ai.
Ndërkaq sipas revistës, Forbes, pasuria e tij kap vlerën e 11 miliardë dollarëve.
Vendimi për largimin e Dorseyt do të zbatohet menjëherë, ndonëse ai do të mbetet pjesë e bordit derisa t’i skadojë mandati vitin e ardhshëm.
Agrawal, në anën tjetër, ka studiuar në Universitetin Stanford dhe Institutin Indian për Teknologji në Bombej.
Kujtojmë qe Jack Dorsey, kountriboi me 1 miliardë dollarë nga pasuria e tij si ndihmë për luftën kundër koronavirusit. Themeluesi i Twitter u frymëzua nga aktori Leonardo DiCaprio për të ndihmuar me një shumë të lartë financiare në luftën me Covid-19.
