Mandarina Çela, nënë e tre femijëve, ka rrëfyer publikisht ngjarjen e saj pas dhunës dhe përndjekjes që ka pësuar nga llir Çami, 41 vjeç, i cili e plagosi me thikë në mes të rrugës në Korçë.
Çela mohon çdo lidhje dashurie ose financiare me autorin e sulmit dhe shpjegon se përndjekja ka filluar tre vite më parë.
Gjatë kësaj periudhe, ajo ka bërë disa denoncime në polici, por ndihma që ka marrë nuk ka qenë e mjaftueshme për ta mbrojtur plotësisht.
Në ditën e sulmit, Çela kujton me ankth momentet e tmerrshme që përjetoi. Ajo shprehet e zhgënjyer nga fakti që asnjë kalimtar nuk ndërhyri për ta ndihmuar, derisa një person i rastësishëm ndërhyri dhe e shpëtoi.Ajo zbulon se si pasojë e plagës është qepur me 18 penj në grykë.
Ajo ka dyshime se mund të ketë pasur një person të tretë të përfshirë në ngjarje, pasi vuri re se autori i sulmit, shikonte vazhdimisht përreth, si të priste edhe dikë tjetër.
Kjo përndjekje ka pasur ndikim të madh në jetën e Çelës, duke ndikuar negativisht te fëmija dhe te bashkëshorti i saj, të cilët janë të shqetësuar për sigurinë e familjes.
Pavarësisht denoncimeve të shumta, Çela shprehet e frikësuar për të ardhmen dhe ndjen se nuk ka marrë mbrojtje të plotë nga autoritetet.
