Personi që është në foto është Klodian Steli, 36 vjeç, i shpallur në kërkim si i dyshuar për vendosjen e një sasie lënde plasëse në portën e garazhit të Elvis Kosovës, i njohur edhe si “Visi i Garave”.
Policia ka bërë me dije se ka identifikuar edhe automjetin me të cilin dyshohet se Steli është larguar nga vendngjarja.
Ngjarja ndodhi më 24 korrik 2025, në rrugën “Peti” në Tiranë, ku u vendos një sasi eksplozivi në hyrje të garazhit të Kosovës. Pamjet e kamerave të sigurisë kanë qenë vendimtare për grupin hetimor, duke ndihmuar në ndjekjen e itinerarit të autorit.
Sipas të dhënave hetimore, pas vendosjes së lëndës plasëse, 36-vjeçari është futur në zonën pyjore pranë liqenit të Thatë, ku ka qëndruar për rreth 30 minuta. Më pas, ai ka dalë në një rrugicë tjetër dhe është larguar, me qëllim shmangien e ndjekjes dhe fshirjen e gjurmëve.
Ndërkohë, policia po vijon punën për lokalizimin dhe kapjen e tij.
