Loannis Sarmasdo do të emërohet si kryeministër i përkohshëm i Greqisë nga presidentja Katerina Sakellaropoulou pasi krerët e partisë nuk arritën të arrinin një marrëveshje për formimin e një qeverie koalicioni të mërkurën.
Mediat greke shkruajnë se Sarmas pritet të vizitojë Pallatin Presidencial, ku do të diskutohet për zgjedhjen e ministrave të përkohshëm.
Më vonë do të nxirret një dekret presidencial për të emëruar zyrtarisht qeverinë e përkohshme. Presidentja greke, Katerina Sakelaropulu ka zhvilluar sot një mbledhje të shkurtër me krerët e partive politike greke që janë zgjedhur për parlamentin e ardhshëm.
Të pranishëm në takim kanë qenë Kyriakos Mitsotakis i Demokracisë së Re, Aleksis Cipras i SYRIZA, Nikos Andrulakis i PASOK, Dhimitris Kutsumbas nga Partia Komuniste Greke dhe Kyriakos Velopulos nga Zgjidhja Greke.
Për të përshpejtuar procedurat e nevojshme parlamenti do të mblidhet të dielën. Pas kësaj, qeveria e përkohshme do të bëjë betimin, duke çuar më pas në shpërndarjen e parlamentit.
Po kush është Ioannis Sarmas që do të drejtojë qeverisë e përkohshme greke?
Sarmas është President i Gjykatës Greke të Auditimit, e cila shërben si gjykata supreme financiare e Greqisë. Ai është gjithashtu anëtar i Gjykatës së Lartë Speciale të Greqisë, gjykata më e lartë për zgjidhjen e konflikteve kushtetuese dhe gjyqësore në vend.
I lindur më 21 mars 1957, në ishullin Kos, Sarmas mori një diplomë në drejtësi nga Universiteti i Athinës midis 1975 dhe 1979. Ai ndoqi studimet e mëtejshme në Universitetin e Parisit II, i specializuar në të Drejtën Penale (1980-1981).
