Presidenti amerikan Joe Biden thotë se nuk do të mbështesë një sulm izraelit në vendet ku ndodhet programi bërthamor i Teheranit. “Përgjigjja është jo,” tha Biden të mërkurën, kur u pyet nëse do të mbështeste një hakmarrje të tillë, pasi Irani lëshoi rreth 180 raketa në Izrael të martën. Komentet e Biden erdhën pasi ai dhe liderët e tjerë të Grupit G-7 biseduan me telefon të mërkurën për të diskutuar koordinimin e sanksioneve të reja kundër Iranit. Shtëpia e Bardhë tha në një deklaratë se udhëheqësit e G7 “dënuan pa mëdyshje sulmin e Iranit kundër Izraelit” dhe Biden përsëriti “solidaritetin dhe mbështetjen e plotë të Shteteve të Bashkuara për Izraelin dhe popullin e tij”.
Gjatë gjithë kohës, administrata ka sinjalizuar se po kërkon që Izraeli të tregojë përmbajtje në mënyrën se si i përgjigjet sulmit raketor të së martës, për të cilin Biden tha se ishte “i paefektshëm dhe i mundur”. Joe Biden deklaroi se “përgjigja izraelite duhet të jetë proporcionale”.
