Kabineti i sigurisë izraelite miratoi të premten një armëpushim në Gaza dhe marrëveshjen për pengjet, sipas deklaratës së Zyrës së Kryeministrit Benjamin Netanyahu.
Vendimi u mor me shumicë votash nga 11 anëtarët e kabinetit të sigurisë, ndërsa pritet që ai të diskutohet dhe miratohet nga kabineti i plotë prej 33 anëtarësh, në një takim të planifikuar për orën 15:30, me orën lokale.
Deri të enjten, negociatat në Katar ishin ende në zhvillim për të zgjidhur disa pengesa të minutës së fundit, derisa u konfirmua arritja e marrëveshjes.
