Zv.ministrja e Shëndetësisë, Mira Rakacolli, konfirmoi sot se në ambjentet e burgut “313”, një i burgosur ka rezultuar me COVID-19.
“Janë bërë 40 testime dhe njëri ka rezultuar pozitiv”, tha Rakacolli.
Ndërkohë ditën e sotme, specialistë të ISHP u kanë marrë tamponët disa të burgosurve të tjerë, të cilët dyshohen se janë infektuar.
Shtetasi italian, i cili rezulton i prekur është izoluar në një dhomë më vete.
Avokatët mbrojtës ndërkohë kanë paraqitur kërkesë në gjykatë për lirimin e tij, për shkak të virusit.
Ditën e sotme numri i të prekurve nga COVID-19 shkoi në 634.
Gjatë 24 orëve të fundit u shëruan edhe 11 pacientë të tjerë, duke e çuar numrin në 356, ndërsa u shënua edhe viktima e 27-të.
Aktulisht në spitalin Infektiv po marrin shërbim 33 persona, 4 prej tyre në terapi intensive.
Ndërsa në spitalin “Shefqet Ndroqi” janë shtruar 7 pacientë, 4 prej të cilëve në terapi intensive në gjendje të rëndë.
