Kërkohet përjashtimi i gjyqtarit të dosjes së Izet Haxhisë. Kërkesa ka ardhur nga avokati Idajet Beqiri i cili mbron Izet Haxhinë i akuzuar për vrasjen e Azem Hajdarit. Beqiri tha se ky gjykatës sa herë që bëhet fjalë për Sali Berishën dhe Lulzim Bashën, e mbyll çështjen, pavarësisht provave të forta që mund të ketë. Gjyqtari Lazer Sallaku është ai që pushoi hetimet për akuzat e lobimit rus të PD-së ndaj Lulzim Bashës,dhe dy zyrtarët e tjerë të PD-së, ish-sekretarin e përgjithshëm Arben Ristani dhe financierin e partisë Ilir Dervishi .
“Kjo gjykatë u kthyer shumë prapa, se as nuk e kanë thirrur dëshmitar, te kryesuesi i këtij trupi gjykues, është Lazer Sallaku, ne kemi kërkuar 3 herë përjashtimin e tij nga trupi gjykues. Ai po qe Berisha dhe Basha e mbyll çështjen, është i kapur dhe do ta çojë procesin aty ku rrjedh e keqja. Haxhia bëri padi civile ndaj tij dhe i kërkoi dëmshpërblim se po e mban në burg për një vit me pa të drejtë. Kryetari i seancës është i paditur dhe jemi në gjyq civil, si mund të gjykojë Haxhinë ky takim? Nuk mund të jetë i paanshëm, vdiqën gjykatat që të zëvendësohet ky njeri? Të paktën të zëvendësohej, mund të vihet në rregull ky proces”, deklaroi Idajet Beqiri në një intervistë televizive.
Duke folur për çështjen, ai ka përmendur familjen Haklaj.
“Kam kontakte me familjen Haklaj, i kemi thirrur dëshmitar, por problemi është që ata e dinë të vërtetën, Muharrem Haklaj është dëshmitar okular se moti takim me Azem Hajdari, se e mësoi se kush ia vra u djalin. Hajdari ia tha që të unë mos e kërko vrasjen e djalit, u betua që unë nuk kam dorë dhe i ka dhënë kasetën, ku Berisha urdhëron “gjallë a vdekur më sillni Shkëlqimin në Tiranë”. Dhe kur ka dalë i ka thënë këtu e ke të keqen në këtë zyrë e Berishës”, ka treguar Beqiri.
/GazetaReforma.com/
