Mbrëmjen e djeshme policia arrestoi pronari e UET, Henri Çilin.
Ky i fundit akuzohet se ka marrë 750 mijë euro dhe prona nga Adil Aliko, me premtimin se do të ndikonte në vendimin e Gjykatës së Lartë, për lirimin e dy djemve të tij.
Sipas të dhënave zyrtare rezultoi se relator i çështjes është Ardian Dvorani.
Kjo për shkak se Dvorani është gjyqtari i vetëm i mbetur nga Gjykata e Lartë.
Pas përmendjes së emrit të tij, ka ardhur edhe reagimi i kreut të KED.
Ai u shpreh se janë 35 mijë çështje me relator Ardian Dvorani, ndërsa Gjykata e Lartë për momentin është jo funksionale.
Më tej ai shtoi se e njeh Henri Çilin, me të cilin thotë se është takuar në disa evente, por nuk e ka mik.
Përsa i përket dosjes kreu i KED tha se nuk ka dijeni për ndonjë kërkesë për përshpejtim.
Reagimi i Dvoranit
Janë 35 mijë çështje që rezultojnë me relator gjyqtarin Ardian Dvorani, por ju e dini që kjo gjykatë është jofunksionale. Unë uroj që kjo të jetë një spekulim, unë nuk kam asnjë lidhje me këtë gjë, për mua është kategorike jo. E njoh Henri Çilin, por nuk e kam mik, vetëm jemi takuar disa herë në evente të ndryshme. Nuk ka asnjë lëvizje për atë dosje, pasi gjykata nuk është funksionale, nuk janë në dijeni as për ndonjë kërkesë për përshpejtim të kësaj çështjeje. Me zotin Çili nuk jam takur asnjëherë në kafene, mbaj mend që jam përshëndetur shumë muaj më parë.
Për më shumë info lexoni këtu.
