Festa e nisur me alkool në një lokal në Kamëz do përfundonte në qelinë e komisariatit për 4 të rinj mbrëmjen e djeshme.
Ata ishin duke pirë alkool e duke festuar në mesnatë rreth orës 01:01, kur dy punonjës policie u kanë kërkuar të ruajnë qetësinë e të lënë alkoolin pasi po bënin zhurmë.
Pas kërkesës së policisë që të mbaronin pijet alkoolike dhe të largoheshin, njëri prej tyre i identifikuar si Ardian Hamzaj, afrohet dhe godet me grushta njërin prej efektivëve, duke i thyer njërin dhëmb.
Më pas sherri ka përfshirë edhe personat e tjerë, duke u kthyer në një përleshje masive dhe është vendosur nën kontroll vetëm pasi në vendngjarje kanë mbërritur forca të tjera policie.
Ardian Hamzaj , Elson Koldashi, Ilirian Gjidia dhe Festim Tanushi janë emrat e të arrestuarve, që do përballen me akuzën për “goditje për shkak të detyrës”, ndërsa bëhet me dije se njëri prej tyre, Ardjan Hamzaj, ka precedent të mëparshme penale.
