Gjatë ditës së sotme, është burgosur një 65-vjeçar pasi ka tentuar të fusë në burgun e Beratit një telefon për djalin e tij, që vuan dënimin në këtë institucion.
I arrestuari është identifikuar si Musteak Çala dhe është prangosur nga SHKB. 65-vjeçari u kap duke futur një celular brenda ushqimeve që kishte futur në Burgun e Beratit për djalin e tij 30 vjeç Erjon Çala,që vuan dënimin në këtë burg.
Celulari u gjet i ngjitur brenda një tenxhereje. Musteak Çala pas ndalimit nga ShKB e burgjeve u mor tani në dorëzim nga DVP Berat, ku edhe do merret në pyetje.
Policia ka nisur hetimet për të zbardhur të gjithë rrjedhën e ngjarjes, ndërsa po hetohet për të zbuluar personin që futi telefonin në burg, ose mënyrën se si Musteak Çala arriti të aksesojë një telefon brenda në qeli.
Ndërkohë edhe pak ditë më parë u regjistrua një ngjarje e ngjashme. Bëhet fjalë për rastin ku e mitura 9-vjeçare, shkoi të vizitonte babain, por u kap me drogë.
Konkretisht e mitura kishte shkuar të takonte babain e saj në paraburgimin e Kukësit, në xhepin e xhupit të saj, brenda një tullumbaceje, janë gjetur rreth 50 gramë drogë.
Droga u gjet gjatë kontrollit fizik pak para se të hynte në ambientet e paraburgimit.
