Italia është bërë ekipi i dytë që kualifikohet për në fazën e 1/8-ave të të Euro 2020. Të klatrit vuajtën shumë përballë Austrisë, e cila bëri një paraqitje për t’u vlerësuar duke e çuar ndeshjen në kohë shtesë.
90 minutat e rregullta të takimit përfunduan me barazimin 0-0, me Italinë që e kishte të vështirë të dilte në sulm e të gjuante drejt kuadratit.
Austria madje arriti të shënonte me Marko Arnautoviç, por goli u anulua për pozicion jashtë lojë.
Duke parë vështirësitë e skuadrës në kontrollin e topit, Roberto Mancini hodhi në fushë Frederico Chiesa-n, I cili do të shënonte edhe golin e frymëmarrjes për Italinë në minutën e 95-të të takimit, pasi shtesa kishte nisur.
Goli I dytë për “azzurri-t” u shënua nga Matteo Pessina në minutën e 105-të. Austriakët arritën të ngushtonin rezultatin me anë të Sasa Kajadzic, por kjo nuk ishte e mjaftueshme për të shkuar në penallti, ku Austria mund të kishte më shumë shanse kualifikimi.
Kujtojmë që Italia doli e para në Grupin A, duke lënë pas Uellsin i cili u eliminua sot nga Danimarka. Skuadra e Gareth Bale pësoi një disfatë 0-4 duke mos arritur të kalojë më fazën tjetër të Europianit.
Tashmë Italia do të përballet në çerekfinale me fituesin e sfidës Belgjikë-Portugali.
