Italia vaksinon ekipin kombëtar para EURO 2020. Italia filloi vaksinimin e lojtarëve të ekipit kombëtar të futbollit të hënën kundër koronavirusit përpara turneut UEFA EURO 2020. Federata Italiane e Futbollit (FIGC) tha në një deklaratë se lojtarët në ekipin kombëtar, të njohur si “gli Azzurri” (Blutë), filluan të merrnin dozat e para të vaksinës së koronavirusit në spitalet në Romë dhe Milano. FIGC tha se përparësia për vaksinën COVID-19 iu dha skuadrës kombëtare pasi EURO 2020 do të fillojë në qershor dhe lojtarët duhet të jenë të vaksinuar.
EURO 2020 u zhvendos më parë në 2021 për shkak të pandemisë së koronavirusit. Gara evropiane e futbollit do të mbahet nga 11 qershor deri më 11 korrik. Veçmas, kryetari i FIGC, Gabriele Gravina falenderoi autoritetet italiane për këtë mundësi. Italia do të luajë kundër Turqisë, Uellsit dhe Zvicrës në Grupin A.
Ndeshja hapëse e turneut do të jetë midis Turqisë dhe Italisë në 11 Qershor në Stadiumin Olimpik të Romës. Italia është një nga kombet kryesore të futbollit, duke fituar titullin EURO në 1968. Gli Azzurri ishin nënkampionët në EURO 2000 dhe 2012. Në kampionatin e mëparshëm Evropian të futbollit të mbajtur në 2016, Italia u eliminua në çerekfinale. Portugalia është kampione në fuqi e cila fitoi nē vitin 2016 EURO 2016, në finalen ku Franca ishte vend pritës.
