Ndonëse prej dy javësh kurba e viktimave dhe të prekurve po shkonte drejt rënies, krejt papritur situata është rënduar sërish në Itali.
Gjatë 24 orëve të fundit kanë humbur jetën 534 persona, pra 80 më shumë se dje kur u regjistruan 454 viktima dhe janë regjistruar 2,729 raste të reja, rreth 500 më shumë se dje.
Kështu, numri i të vdekurve në total është 24,648 , ndërsa numri i të infektuarve 183,957.
Italia numëron 51.600 të shëruar teksa 2471 pacientë ndodhen në gjendje kritike, teksa që nga fillimi i përhapjes së pandemisë janë realizuar gjithsej 1.450.150 testime.
Ditën e djeshme mediat italiane kanë shkruar se spitali i Papa Giovanni XXIII në Bergamo për herë të parë pas një muaji është bosh, korridoret janë të lira, salla e pritjes është pothuajse e qetë.
Pas më shumë se dy muajsh nuk shihen më barela apo bombula oksigjeni dhe nuk turma me pacientë që rrinë më padurim duke pritur të shtrohen në spital.
Disa ditë më parë në mediat fqinje u raportua se qeveria pritet të miratojë një dekret të ri që sjell një paketë prej 70 miliardë eurosh, duke iu ardhur në ndihmë bizneseve, punëtorëve, familjeve, ku 30 miliardë euro do të jenë për likuiditet për kompanitë, ndërsa rritet pagesa për bizneset e mbyllura, nga 600 në 800 euro për 2 muaj.
Prej ditësh shteti italian ka nisur ringritjen duke ideuar një paln me 5 pika, teksa qeveria ka paralajmëruar lehtësimin e masave dhe është gati t’i rikthehet pak nga pak jetës, teksa ekspertët kanë përgatitur skenarin e fazes së dytë.
Italia gati t’i rikthehet jetës! Ekspertët ideojnë fazën e dytë: Distancim fizik edhe më të ashpër
Ndërkohë, Italia ka vendosur që të aplikojë të shumëpërfolurin “testim masiv” që në disa vende ka dhënë rezultat pozitiv, duke arritur të izolohet virusi që po tmerron botën, ndërsa javën që lamë pas nisi edhe testimi serologjik, i cili do aplikohet edhe në vendin tonë me stafin e QSUT.
Italia i provon të gjitha armët kundër COVID-19: Nis “pasaportat e imunitetit”
Ndër vendet më të prekura nga koronavirusi: Itali ndërmerr hapin e rëndësishëm
