Rritja e shpejtë dhe me hapa të mëdha të rasteve të reja me Covid në Itali, ka bërë që qeveria të ashpërsojë masat.
Kryeministri Guiseppe Conte, në një dalje televizive, të dielën tha se masat do të jenë të nevosjme për të shmangur një izolim të plotë.
Ai u bëri thirrje kryebashkiakëve për të mbyllur hapësirat publike pas orës 21:00, ndërsa do të kufizohet orari i restoranteve dhe numri i njerëzve në grumbullimet publike.
Konferencat lokale dhe festivalet do të pezullohen gjithashtu. Italia regjistroi të dielën 11,705 raste të reja me koronavirus, duke thyer rekordin e një dite më parë prej 10,925 rastesh. Italia ka qenë vendi më i goditur në Evropë në fillim të pandemisë, në muajin mars.
Ndërkohë, një foto e bërë virale në rrjet, tregon ambulancat në rresht që natën vonë po shkojnë të marrin trupat e pajetë të moshuarve që kanë humbur jetën nga koronavirusi.
Kjo ishte pamja që banorët e Sambuca di Sicilia duhej të shikonin nga dritaret, e cila është kthyer në një ” zonë të kuqe “.
/GazetaReforma.com/
