Shpresat e italianëve u ringjallën sërish, pasi një ditë para lirimit të masave përtej Adriatikut u shënua bilanci më i ulët prej 10 marsit, pasi u regjistruan 195 të vdekur.
Mirëpo, në dy ditët e fundit trendi ka qenë në rritje.
Gjatë 24 orëve të fundit në shtetin fqinj kanë humbur jetën 369 persona, nga 236 që vdiqën një ditë më parë, pra 133 viktima më shumë.
Sakaq, janë identifikuar 1,444 raste të reja, kurse dje u raportua për 1,075 të infektuar.
Kështu, në total, që nga fillimi i epidemisë janë 29,684 viktima dhe 214,457 persona të infektuar me koronavirus.
Megjithatë, raportohet se persona aktiv pozitivë me koronavirus në Itali janë 91,528, teksa numri i të shëruarve është 93,245 pasi sot janë 8,014 të shëruar të shëruar.
Kështu, për herë të parë numri i të shëruarve kapërcen numrin e personave aktual pozitiv me Covid-19.
Deri më sot në Itali janë kryer 2,310,929 tampone.
Qeveria Conte ka komunikuar se dy ditët e para të kësaj faze janë pozitive e qytetarët italianë kanë treguar sens të lartë përgjegjësie e respektimi në rregullat e distancimit social.
“Nëse dhe kurba e pandemisë do të na e lejoj, shumë sektorë të ekonomisë që janë të mbyllura mund të hapen para datës së përcaktuar”, ka thënë për mediat kryeministri Giuseppe Conte.
