Një ngjarje e pazakontë ka ndodhur në maternitetin e Kozencës, në Itali, ku një grua ka rrëmbyer një foshnjë të porsalindur, duke iu prezantuar si infermiere për t’i marrë fëmijën në spital.
Rrëmbimi ka zgjatur disa orë derisa policia ka arritur të identifikojë dhe lokalizojë gruan dhe bashkëshortin e saj, të cilët kishin bashkëpunuar për të marrë foshnjën dhe tentuar arratisjen.
Foshnja, Sofia, ishte në një dhomë të klinikës me nënën e saj kur gruaja e dyshuar, me fytyrën e mbuluar pjesërisht me maskë, ka hyrë dhe ka kërkuar të merrte fëmijën për ta çuar tek pediatri.
Pas disa orësh pa ndonjë informacion, alarmi është dhënë nga nëna dhe gjyshja e foshnjës. Pamjet e kamerave të sigurisë tregojnë çiftin duke tentuar të largohen me foshnjën, por pa sukses, pasi ata janë kapur nga policia.
Pas një kërkimi të gjerë, me postblloqe të vendosura dhe hetime të shpejta, çifti është arrestuar dhe foshnja është kthyer në familjen e saj.
Dy të dyshuarit, Rosa Vespa, 51 vjeç, dhe Aqua Moses, 43 vjeç, ishin të martuar dhe kishin falsifikuar shtatzëninë për të mbuluar planin e tyre.
Ata kishin njoftuar miqtë dhe familjarët për një djalë të porsalindur, ndërsa në momentin e rrëmbimit e veshën Sofian me rroba djali për të fshehur identitetin e saj.
