Policia Rrugore e Lucca në Itali, në bashkëpunim me atë të Massa, arrestoi përgjatë autostradës A12, një shqiptar të dyshuar si trafikant droge, i cili lëvizte me rreth 4 kg kokainë në makinën e tij. Aksioni është kryer kur patrulla në Viareggio, pas një raportimi nga kolegët e tyre nga Policia e Autostradës Pontremoli, ndaloi për një kontroll përgjatë karrexhatës jugore një “Audi” me targa italiane dhe me një person të huaj në bord, që udhëtonte me shpejtësi të lartë dhe të rrezikshme. Shoferi, një 30-vjeçar shqiptar, ka shfaqur menjëherë nervozizëm pasi është ndalur në një vend shtrirë. Pas kontrolleve në automjet, efektivët zbuluan një qese plastike me tre blloqe me lëndë të dyshuar narkotike, e cila më pas rezultoi se ishte kokainë. Droga dhe makina u sekuestruan menjëherë në cilësinë e provës materiale, kurse shqiptari u dërgua në burgun e Lucca.
Rrit tarifat dhe “pastron” ankesat, One Albania përballet me revoltë të hapur të abonentëve
Operatori One Albania po përballet me një valë të fortë reagimesh nga abonentët, jo vetëm për rritjen e tarifave me...
