Coronavirusi vijon të thellojë bilancin e viktimave në Itali, pasi në 24 orët janë regjistruar 812 të vdekur dhe 1, 648 të infektuar.
Kështu, në total numri i viktimave ka shkuar 11,591 persona kurse numri i të prekurve në 75,528, teksa janë 30, 981 persona në terapi intensive.
Po ashtu, virusi nuk ka kursyer as bluzat e bardha pasi më shumë se 50 mjekë kanë vdekur e mijëra të tjerë janë infektuar.
Kështu, dy ditë më parë qeveria shqiptare i dërgoi Italisë 30 mjekë dhe infermierë për tu ardhur në ndihmë kolegëve fqinj, teksa paga e tyre do mbulohet nga shteti shqiptar.
Italia vijon të renditet në krye të tabelës për numrin e viktimave, duke u ndjekur nga Spanja me 7, 340 viktima dhe Kina, ku shpërthu virusi rreth 3 muaj më parë, me 3,304 viktima.
Sakaq, SHBA renditet e para me numrin më të lartë të të infektuarve dhe OBSH ka parashikuar se do jetë epiqendra e re e pandemisë, teksa ka deklaruar se më e keqja nuk ka kaluar ende as në kontinentin europian.
Koronavirusi në rang botëror ka shkaktuar 35,000 viktima, prej të cilëve mbi 25 mijë janë regjistruar në Europë, dhe rreth 750,000 të infektuar në 199 vende.
