Policia ka njoftuar mbrëmjen e sotme se një 26-vjeçar me inicialet Nj. Sh., është dëmtuar në kokë, ndërkohë që punonte në një pallat në ndërtim.
Mësohet se 26-vjeçari ishte punëtor ndërtimi dhe ishte punësuar për ndërtimin e një pallati tek “Kodra e diellit”.Por gjatë ditës së sotme për shkaqe aksidentale, është dëmtuar në kokë.Ai u dërgua menjëherë në spital ku po merr ndihmën e parë dhe ndodhet jashtë rrezikut për jetën.
Ndërkohë grupi hetimor dhe shërbimet e Policisë kanë shkuar në vendngjarje dhe po punojnë për zbardhjen e plotë të rrethanave të ngjarjes ku paraprakisht dyshohet se është ngjarje aksidentale.
Njoftimi i policisë:
Më datë 20.08.2020, rreth orës 20:16, tek “Kodra e Diellit”, në një pallat në ndërtim, duke punuar, është dëmtuar lehtë në kokë punëtori shtetasi Nj.Sh., 26 vjeç, i cili ndodhet në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes ku paraprakisht dyshohet se është ngjarje aksidentale.
