Një zyrtar i Shtëpisë së Bardhë dhe një anëtar i stafit të Kryetarit të Dhomës së Përfaqësuesve, Nancy Pelosi, rezultuan pozitiv me Covid të hënën. Të dy janë plotësisht të vaksinuar dhe kishin marrë pjesë në të njëjtën ngjarje javën e kaluar. Zyrtari i Shtëpisë së Bardhë i infektuar kishte simptoma të lehta, sipas NBC Neës.
“Ne e dimë që do të ketë raste të riinfektimit, por siç duket, rastet në individë të vaksinuar janë zakonisht të lehta”, tha një zyrtar i Shtëpisë së Bardhë për NBC Neës.
Zyrtari i Shtëpisë së Bardhë nuk ka qenë në kontakt me drejtorët ose stafin tjetër, konfirmoi Shtëpia e Bardhë. Ndërkohë, anëtari i stafit të Pelosit rezultoi pozitiv pasi u takua me anëtarët e legjislaturës së shtetit të Teksasit javën e kaluar, por nuk ka pasur asnjë kontakt me Pelosin që nga ekspozimi.
Pelosi tha se ajo ndihet keq për anëtarët e stafit që testojnë pozitivisht dhe shtoi se kjo përforcon nevojën që individët të mbajnë maska dhe të vaksinohen.
Zyrtarët shëndetësorë gjithashtu po shqetësohen gjithnjë e më shumë për variantin Delta, i cili është dukshëm më infektues sesa lloji origjinal. Varianti Delta tani përbën 83% të të gjitha rasteve të infektimeve me Covid në SH.B.A., tha të martën Drejtoresha i Qendrave për Kontrollin dhe Parandalimin e Sëmundjeve, Dr. Rochelle Walensky.
