Detaje të reja janë zbuluar në lidhje me vrasjen e 34-vjeçarit, Eri Zefi, në fshatin Zall Xhuxhë të Fanit në Mirditë.
Sipas “Dosja.al”, Zefi është ekzekutuar nga dy persona, që nuk janë identifikuar ende.
Familjarët e tij tregojnë se ditën që iu pre rruga, 34-vjeçari ishte nisur tek dajat në Fan të Mirditës.
Dyshohet se dy persona i kanë prerë rrugën e kanë marrë peng dhe më pas e kanë ekzekutuar pranë “Rrugës së Kombit”.
Pas vrasjes, ata e kanë hedhur trupin në një kanal.
Kanë qenë banorë të zonës, të cilët kanë zbuluar trupin të mbuluar në gjak.
Pista ku po heton policia për vrasjen e Zefit, është ajo e gjakmarrjes.
Kjo për shkak se më 24 shkurt, vëllai i tij, Ndue Zefi, vrau komshiun e tij në Durrës, Martin Ndrecën, pasi i kishte ofenduar familjen.
