Lajm i zi për artin shqiptar. Aktori i mirënjohur i humorit dhe regjisori, Koço Devole, është ndarë nga jeta në moshën 75-vjeçare pas infektimit të tij prej disa ditësh nga koronavirusi.
Ai ndërroi jetë në spitalin Infektiv ku edhe po trajtohej.
Devole kishte marrë një trajtim mjekësor paraprak në këtë spital dhe në 31 tetor u lirua prej tij pasi gjendja shëndetësore u duk se u përmirësua.
Por ai u kthye me urgjencë një ditë më pas pasi shfaqi komplikacione, kësaj here në intubim.
Mjeku Pëllumb Pipero duke folur në një intervistë për Ora News pas rishtrimit të tij në spital e pati përshkruar kështu gjendjen e tij.
“Gjendja eshte stabël. Aktori ndodhet në respiracion mekanik. Ai vuan nga një sëmundje kronike mjaft e rëndë, leukoza, por shpresojmë të bëhet mirë shpejt” u shpreh Pipero.
Krijimtaria
Regjisori, skenaristi, humoristi dhe karikaturisti shqiptar Koço Devole iku i ri nga kjo botë por pas la një krijimtari dhe pasuri të madhe për artin shqiptar.
Ai është autor dhe regjisor i shumë spektakleve skenike me trupën e Estradës së Tiranës, Fierit, Beratit dhe qyteteve te tjera.
Ai është autor dhe regjisor në telekomeditë:
Çanta e zeze 1986
Gjuetia e fundit 1992
Të gjallë apo të vdekur 1996 – [1]
Çanta me nje milion 1993
Oreksi i madh 1994 [2]
Nje dite i cmendur 1995
Revolja e heroit 1996
Pushime në Romë 1996
Mos shko o trim 1997
Tre shoke pa sherbyesen 2001 [3]
Karafili dhe Kleopatra 2001 [4]
Milioneri 2005
Na ishte njehere Shqipëria 2009
