Ka ndërruar jetë pas dy javësh beteje me Covid-19 efektivi i policisë kufitare në Shkodër, Hydajet Nehani.
Nehani ishte nisur drejt Turqisë për kurim para dy javësh, por gjendja e tij shëndetësore ishte përkeqësuar papritur. Kështu miqtë dhe kolegët e tij kontribuan në mbledhjen e fondit të nevojshëm për ta dërguar në Turqi, por fatkeqësisht ai nuk ka mundur ta mposhtë virusin.
Tashmë pritet që trupi i Nehanit të vijë drejt vendlindjes për të kryer dhe ritet mortore. Nehani është efektivi i parë i polciisë së Shkodrës që ndërron jetë.
Gjithashtu në 24 orët e fundit në gjithë vendin 4 persona kanë humbur jetën. Një prej tyre është një 37-vjeçar nga Korça i cili sipas njoftimit të Ministrisë së Shëndetësisë ishte pa sëmundje bashkëshoqëruese. Ndërkohë betejën me koronavirusin e kanë humbur dhe një 52 vjeçare nga Mirdita, një 81 vjeçar nga Tirana dhe një 85 vjeçar nga Fier.
