Një plagosje me armë zjarri ka ndodhur në Shkodër gjatë mbrëmjes së sotme. Mësohet se i riu Paulin Harusha, 23 vjeç, është paraqitur në qendrën shëndetsore të Thethit për të kërkuar ndihmë mjekësore, pasi është plagosur me armë zjarri në rrethana që janë ende të paqarta. Policia njofton se i riu është jashtë rrezikut për jetën, ndërsa plagosja ka ndodhur teksa ai ishte duke qarkulluar me mjetin e tij nga Thethi në drejtim të fshatit Nderlysë. Shërbimet e policisë kanë shkuar në vendin e ngjarjes dhe po punojnë për identifikimin dhe kapjen e autorit. Ndërkohë, grupi hetimor në drejtimin e Prokurorisë së Rrethit Gjyqësor Shkodër, është duke vijuar punën për sqarimin e plotë të rrethanave të ngjarjes.
Njoftimi i plotë i policisë:
Shkodër/Informacion paraprak
Në qendrën shëndetësore të Thethit është paraqitur për ndihmë mjekësore, jashtë rrezikut për jetën, shtetasi P. H., 23 vjeç, i cili në rrethana ende të paqarta, duke qarkulluar me mjetin e tij nga Thethi në drejtim të fshatit Nderlysë, dyshohet se është plagosur me armë zjarri. Në vendngjarje kanë shkuar shërbimet e Policisë dhe grupi hetimor dhe nën drejtimin e Prokurorisë së Rrethit Gjyqësor Shkodër vijon puna për sqarimin e rrethanave të ngjarjes, identifikimin dhe kapjen e autorit.
