Gjatë luftimeve të sotme në Ukrainë, janë raportuar se ushtarët rusë kanë përdorur uniformat e ushtrisë ukrainase për t’u infiltruar më thellë në territor.
Sipas mediave të huaja, janë regjistruar dy incidente ku janë regjistruar episode të tilla.
Incidenti i parë ndodhi në një parking të hapur që ndodhet përballë një kompleksi pallatesh në Obolon në veri të Kievit.
Nga pamjet e publikuara, dy rusë dyshohet se u ekzekutuan nga një ushtar ukrainas disa çaste pasi ata vodhën një kamion të ushtrisë ukrainase.
Në një video të postuar në rrjetet sociale, kamioni që mbante automatikun nga pas po lëvizte në parkingun e jashtëm.
Dy pasagjerët, të maskuar si ushtarë ukrainas hapën zjarr ndaj ushtarëve të tjerë. Menjëherë pas kësaj, ndërsa të shtënat vazhduan, një ushtar ukrainas iu afrua dhe konfirmoi vdekjen e tyre.
35 persona duke përfshirë dy fëmijë janë vrarë në luftimet e ashpra gjatë natës në Kiev, sipas kryebashkiakut të qytetit, Vitali Klitchsko. Nuk kishte detaje të mëtejshme lidhur me këtë deklaratë.
Ndërsa në një raport të veçantë nga Reuters, duke cituar një këshilltar të ministrisë së brendshme, nuk kishte të vdekur në bllokun e apartamenteve që thuhet se u godit nga një raketë ruse.
Presidenti ukrainas Volodymyr Zelensky ka postuar një video të vetë-xhiruar në Twitter duke ecur nëpër rrugët e Kievit në një përpjekje të dukshme për të luftuar thashethemet se ai i ka bërë thirrje ushtrisë që t’i dorëzohet trupave ruse.
