Besim Lama dhe Viktor Marku, janë dy mjekët që mjekuan në fshehtësi një nga vrasësit e dy biznesmenëve Paulin Gjergji Marku dhe Bujar Lika (Hasani), në Laç.
“Balkanweb” ka zbardhur edhe dëshminë e dy mjekëve që kryen operacionin ndaj Eduart Lamajt.
Mjeku Marku, që ka kryer operacionin e autorit kryesor të atentatit, Eduart Lamajt, është shprehur se ishte i detyruar ta kryente operacionin, pasi ai rrezikonte të humbiste jetën.
Ndërsa, mjeku Lama ka thënë se nuk është i specializuar për ndërhyrje, pasi është endokronolog.
“Më informuan nga klinika që kemi nevojë për operacion. Pacientin e gjeta në narkozë.
Isha i detyruar të ndërhyja menjëherë në operacion, pasi ai rrezikonte të humbiste jetën.
Për këtë shkak, nëse më vdiste në duar mbaja përgjegjësi penale”, ka thënë mjeku Marku.
Ndërsa, mjeku Besim Lama është shprehur se “unë jam endokronolog.
Nuk jam i specializuar për ndërhyrje.
Më kërkuan ndihmë, ku ta çonin për operacion, u sugjerova klinikën private në Qytet Studenti”.
