Ish- Presidenti Bamir Topi shprehet i habitur se si erdhi dhe si u përhap Covid-19 nga Kina në mbarë botën. Në një intervistë për Ora news, ai tha se “Ka qenë në përgjithësi një vit i pasigurive të mëdha. Por që filloi me një agjent biologjik.
Fillimisht në mungesë të informacionit, pastaj në një kaos informacionesh. Dhe duket sikur kjo epidemi ka zgjatur me vite, në fakt është deklaruar vetëm në shkurtin e këtij viti dhe në këto momente kur mbarë bota është në një situatë tepër të vështirë, me humbje jete që në vende të mëdha numërohet me mijëra. Çudia e madhe është që në Kinë, që e kanë kaluar këtë vit të ri të parët, është festuar nëpër lokale.
Pjesën tjetër të botës kjo pandemi e gjeti të papërgatitur. Nuk mund të futem në dyshime që nuk më takojnë mua, por është e çuditshme si erdhi, si u deklarua, roli i OBSH një rol i çuditshëm. Jemi në një situatë kur gjendja dominante negative, ka qenë Koronavirusi”
Ysh presidenti Bamir Topi foli edhe për dështimin e rradhës të Shqipërisë për çeljen e negociatave me Bashkimin Europian.
Deklaratave të forta të kryeministrit Edi Rama se, BE ka lënë pas dore Ballkanin Perëndimor, Topi u shpreh se kjo bëhet për arsye politike.
Por për hir të vërtetës, brenda kësaj pandemie, në fillim dhe tani, shihet një lloj egoizmi i cili ka dalë sheshit. Janë vetë vendet që kanë shfaqur probleme. Secili duhet të mendojë qartë dhe të mos ketë iluzione. Është një shprehje e vjetër dhe shumë e fortë: “Nuk ka altruizëm midis kombeve”. Harrojeni. Pra, secili mendon të realizojë qëllimet e profilaksisë së vendit të tij.
Sigurisht, nëse janë duke diskutuar, jemi të fundit. Nga pikëpamja infrastrukturore dhe pikëpamja e rëndësisë secili vend i BE është egoist për vendin e tij”, u shpreh ish presidenti Topi.
