Cermonia e dhëniës lamtumirës së fundit të një personi, ajo e varrimit, është një proces që sigurisht ka kosto.
Ish-myftiu i Tiranës, Ylli Gurra për “Euronews Albania” ka folur në lidhje me këtë temë duke vënë theksin tek shpenzimet e larta që bëjnë shqiptarët për një cermoni varrimi.
Gurra habiti kur u shpreh se ka persona VIP që kanë shpenzuar dhe 200 mijë euro për një varr për familjarët e tyre.
Gjithashtu ish-myftiu i Tiranës u shpreh se personat që harxhojnë shuma të mëdha për ndërtimin e një varri me mermer të ardhur nga jashtë, zënë dhe një hapësirë të konsiderueshme në varraze, duke detyruar të tjerët të varrosen 2-3 persona së bashku.
“Anarkia e 30-viteve ka shoqëruar edhe të vdekurit, jo për fajin e tyre por për fajin tonë. Unë herë pas here shkoj edhe në Sharrë edhe në Tufinë, kemi shpenzime tejet çdo limiti. Ka shpenzime 100 mijë euro një varr. Unë kam dhe emra që nuk është vendi për t’i përmendur, 200 mijë euro shpenzime. Janë deri diku persona VIP, por ka dhe njerëz normal me 30-50 mijë euro një varr.
Familjarët pas disa vitesh shkojnë në atë pendimin që ishte i panevojshëm. Plus që kanë uzurpuar një hapësirë shumë të madhe dhe detyrohen të tjerët të kryejnë varrime mbi varrime”, u shpreh Gurra.
