Ish-ministri i Shëndetësisë së Kosovë, Armend Zemaj me anë të një postimi në rrjetet sociale e ka konsideruar alarmante situatën me koronavirusin në Kosovë, pasi në 24 orët e fundit janë regjistruar 1128 raste të reja.
Zemaj iu ka bërë apel qytetarëve që të vaksinohen sa më shpejtë dhe të zbatojnë me përpikmëri masat e vendosura anti-COVID. Gjithashtu ai iu ka bërë thirrje qytetarëve që të respektojnë rekomandimet e Institutit Kombëtar të Shëndetit Publik në Kosovë.
“Sot, edhe më keq: 1.128 raste të reja me virusin Covid-19 dhe 3 raste të vdekjes. Kjo është alarmante!
Qytetarë të dashur,
Ju lutem me gjithë shpirt: Respektoni rekomandimet e Institutit Kombëtar të Shëndetësisë Publike. Ju lutem me gjithë shpirt: VAKSINOHUNI. Edhe përkundër menaxhimit të dobët në qendrat e vaksinimit, ju lutem që të keni durim dhe të merrni vaksinën.
Mbani maskat! Respektoni distancën! Mbani higjienën!”, shkruan në postimin e tij Armend Zemaj.
Sjellim në vëmendje se ditën e sotme në Kosovë nga 7.424 testime të bëra gjatë 24orëve të fundit, kanë rezultuar pozitivë me koronavirus 1.128 persona. Fatkeqësishtë tre persona nuk kanë mundur dot ta fitojnë betejën me virusine rrezikshëm. Shqetësues është fakri se shumica e të infektuarve i janë të moshave nga 20 deri në 29 vjeç, përkatësisht, 305 persona. Ndërsa nga 30 deri 39 vjeç janë 231 të infektuar.
