Ish-ministri i Bujqësisë Edmond Panariti ka ndërprerë angazhimin e tij në Lëvizjen Socialiste për Integrim.
Panariti këtë lajm e bëri të ditur me anë të një postimi në Facevook, ku thotë se pas 16 vitesh do të largohet nga LSI-ja për shkak të një ftese për tu angazhuar në një detyrë të rëndësishme .
Në fund ish-ministri Panariti nuk harron të falenderojë të gjithë ata që e kanë mbështetur në këtë rrugëtim.
Statusi i plotë:
Të dashur miq, kolegë dhe bashkëpunëtorë!
Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme .
Me këtë rast më lejoni t’ju falenderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje.
Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë.
