Ish-drejtuesit e UÇK-së, Kadri Veseli, Rexhep Selimi dhe Hashim Thaçi, bëhet me dije se pas mbërritjes në aeroportin e Sllatinës, janë nisur për në Hagë me aeroplan ushtarak.
Deputeti Rexhep Selimi, kreu i PDK-së Kadri Veseli dhe ish-Presidenti Hashim Thaçi janë nisur drejt Hagës, pas aktakuzave për krime lufte nga Gjykata Speciale ndaj tyre.
Kujtojmë se menjëherë pas konfirmimit të aktakuzës, Hashim Thaçi ka dhënë dorëheqjen nga posti i Presidentit sot paradite gjatë një konferencë për media.
Kadri Veseli po ashtu ka dhënë dorëheqje nga posti i kryetarit të PDK-së pas konfirmimit të aktakuzës.
Pas dorëheqjes së Thaçit, kryetarja e Kuvendit, Vjosa Osmani, ka marrë zyrtarisht pozitën e ushtrueses së detyrës së presidentes së Kosovës, sipas edhe rregullit që parashikohet në Kushtetutën e Kosovës./GazetaReforma.com/
