Valentino Lazaro ishte futbollisti i parë që Interi bleu pas emërimit të Antonio Contes në krye të ekipit.
Mirëpo austriaku te zikaltrit nuk arriti që të lërë gjurmë dhe më pas u huazua fillimisht te Newcastle e më pas te Borussia Monchengladbach.
Pikërisht te këta të fundit, anësori austriak shënoi pasditen e sotme një gol spektakolar që me siguri do të mund të kandidojë për golin e vitit, në ndeshjen e humbur 4-3 në “Bay Arena” ndaj Bayern Leverkusenit.
Pas një krosimi të Herrman në zonë, Lazaro ka arritur të realizojë një kryevepër, ku goditi topin me anë të takës në rënie e sipër, duke e dërguar në rrjetën e portës së Leverkusenit.
Por për fat të keq, goli i mrekullueshëm i Lazaros, nuk mundi që të shmangte humbjen e M’gladbach.
Kujtpojmë se Valentino Lazaro është ende në pronësi të Interit dhe te Borussia Monchengladbach është transferuar me formulën e huazimit me të drejtë blerjeje për shifrën e 18 milionë eurove në fund të sezonit të ardhshëm. Mbetet për tu parë nëse zikaltrit do ta kthejnë në “Giussepe Meazza” apo Lazaron do ta shohim edhe sezonet e tjera në BundesLiga./GazetaReforma.com/
