Ish-deputeti i Partisë Drejtësi, Integrim dhe Unitet (PDIU), Dashamir Tahiri, është paraqitur mëngjesin e sotëm në ambientet e SPAK.
Deri më tani, nuk janë bërë të ditura detaje mbi arsyen e thirrjes së tij në këtë institucion.
Megjithatë, Dashamir Tahiri, është akuzuar për shkelje të ligjit gjatë ushtrimit të detyrës dhe mosdeklarim të saktë të të dhënave në kuadër të ligjit për dekriminalizimin.
Gjithashtu, Tahiri akuzohet për keqmenaxhim të pasurisë dhe abuzime me detyrën publike.
Tahiri i ka mohuar gjithmonë këto akuza, duke i quajtur të motivuara politikisht.
