MacKenzie Scott, filantropja miliardere dhe ish-gruaja e Jeff Bezos, ka dhënë 2.7 miliardë dollarë për një shumëllojshmëri bamirësish. Lajmin e bëri me dije vetë ajo në një postim në blog të martën, duke i çuar donacionet e saj totale që nga dhurimi i saj i parë në korrik 2020 në 8.5 miliardë dollarë.
Scott, 51 vjeç, tronditi botën e filantropisë vitin e kaluar me ritmin dhe madhësinë e dhurimeve të saj. Këtë herë ajo dhuroi për 286 organizata nga Teatri Amerikan i Vallëzimit Alvin Ailey, për fondet e barazisë racore, në filantropi dhe gazetari. Kjo është hera e saj e parë që njofton donacione që kur u martua përsëri me Dan Jeëett, një mësues i shkencave në Seattle.
“Unë, Dan, një plejadë studiuesish dhe administratorësh dhe këshilltarësh – të gjithë jemi duke u përpjekur të japim një pasuri që u mundësua nga sistemet që kishin nevojë për ndryshim”, shkroi Scott, e cila ka një pasuri gati 60 miliardë dollarë. “Ne qeverisemi nga një besim përulës se do të ishte më mirë nëse pasuria joproporcionale nuk do të përqendrohej në një numër të vogël duarsh, dhe se zgjidhjet do të hartohen dhe zbatohen më së miri nga të tjerët.”
Scott, e cila përfundoi me një pjesëmarrje prej 4% në Amazon.com Inc. pas divorcit të saj me Bezos, është bërë shpejt një nga filantropët më konsekuente në botë.
Për vitin e kaluar ajo ka të ngjarë të vendosë një rekord për shpërndarjen më të madhe vjetore nga një person. Scott është lavdëruar nga ekspertët dhe kritikët e filantropisë jo vetëm për shpejtësinë dhe qëllimin e dhuratave të saj, por edhe për ato organizata që ajo po i jep – ato më të vogla zakonisht anashkalohen nga donatorët e mëdhenj.
“Meqenëse ne besojmë se ekipet me përvojë në vijën e parë të sfidave do të dinë më mirë se si t’i përdorin paratë për mirë, ne i inkurajuam t’i shpenzojnë ato sido që të zgjedhin,” shkroi ajo në postimin e saj të martën.
Boolmberg
