390 mijë metra katrotë në bregdetin e Velipojës, pasuri të biznesmenit Pëllumb Gjoka janë sekuestruar me urdhër të SPAK. Në njoftimin e SPAK flitet për një sërë pasurish, toka në zonën e Pulaj- Plazh, Velipojë, të cilat figuronin të regjistruara në emër të personave të tjerë. Por sipas hetimeve të bëra nga Prokuroria e Posaçme ka prova që pasuritë e sekuestruara janë përfituar nëpërmjet falsifikimit të dokumenteve nga Gjoka, në bashkëpunim me persona të tjerë. Gjoka aktualisht ndodhet në burg, pasi u arrestua në kuadër të operacionit “Metamorfoza”, pasi nga bisedat e zbardhura në aplikacionin SKY, del i përfshirë në organizimin e disa ngjarjeve kriminale.
Por, Pëllumb Gjoka, i cili gëzon titullin “investitor strategjik” nga qeveria Rama, nuk është i vetmi në rrjetën e SPAK. Shumë prej tyre janë paraqitur në dyert e Prorurorisë së Posaçme, për të cilët kjo e fundit ka bërë gati dosjet.
Rasti më i fundit është ai i një shoqërie të quajtur Soleil & Sea, pas të cilës sipas BIRN qëndron biznesmeni Alban Xhillari, të cilës Rama ka vendosur t’i falë 220 mijë metër katrorë tokë në një nga zonat më të lakmuara të bregdetit shqiptar për të ndërtuar aty një kompleks turistik.
I njejtë është rasti i burrit të ish ministres Olta Xhaçka, që është nën hetim nga SPAK. Artan Gaçi mori statusin e investitorit strategjik për ndërtimin e një resorti në Drimadhes. 5512 m2 të dhënë Gaçit nga qeveria Rama janë sekuestruar nga SPAK. Absurdi me këtë rast është që Gaçi i ka blerë 5512 m2 tokë nga një elektricist i OSHE-së.
Ndërkohë SPAK ka gati dosjet edhe për të tjerë investitorë strategjikë, që po duan të gllabërojnë shumë, por duket se po ikin me duar në xhepa në burg.
