Normat e interesit të euros në tregjet ndërkombëtare po vazhdojnë tendencën e rënies dhe kanë arritur nivelet më të ulëta që prej tetorit 2022, me Euriborin 12-mujor që ka rënë në 2.43%.
Ky rënie ka një ndikim të rëndësishëm tek sektorët bankar dhe huamarrësit e monedhës europiane në Shqipëri, pasi kredite afatgjata, të cilat ndjekin Euriborin, kanë një normë interesi më të ulët, duke sjellë këste më të ulëta për huamarrësit.
Në vitin 2023, Banka Qendrore Europiane ndërmori një cikël të rritjes së normave të interesit, por që këtë vit ka ulur tre herë normat e interesit, duke kontribuar në rënien e mëtejshme të Euriborit.
Kjo ka sjellë një zhvendosje të kreditimit të bankave shqiptare drejt monedhës vendase, lekut, ndërkohë që disa huamarrës kanë konvertuar kredinë nga euro në lek për të shfrytëzuar kursin e këmbimit të favorshëm.
Rënia e normave të interesit të euros po e bën përsëri më tërheqëse huamarrjen në këtë monedhë, duke përmirësuar mundësitë për kredim për individë dhe bizneset.
Megjithatë, për bankat kjo rënie është një problem, pasi ulja e interesave ndikon në të ardhurat nga kreditë, investimet dhe depozitat ndërkombëtare, duke pritur një rënie të fitimeve për to./Monitor/
